တစ်ဖက်သတ်အရိပ်အယောင်များ လွှမ်းမိုးနေသော အမေရိကန်-အာဆီယံ အထူးထိပ်သီးအစည်းအဝေး

မတ်လ ၂၈ ရက်နေ့မှ ၂၉ ရက်နေ့အထိ ဝါရှင်တန်၌ “အမေရိကန်-အာဆီယံ အထူးထိပ်သီးအစည်းအဝေး” ကျင်းပမည်ဟု အမေရိကန်အစိုးရက မကြာသေးမီက ကြေညာခဲ့သည်။ သို့သော် ထိပ်သီးအစည်းအဝေး ကျင်းပမည့်ရက်စွဲကို အိမ်ဖြူတော်က တစ်ဖက်သတ်ကြေညာခြင်းကြောင့် အာဆီယံနိုင်ငံများအား မကျေနပ်မှု ဖြစ်စေခဲ့သည်။ ယင်းမတိုင်မီက အာဆီယံနိုင်ငံခေါင်းဆောင်များသည် ရက်စွဲအချို့ကို အဆိုပြုခဲ့သော်လည်း အမေရိကန်က အကြိမ်ကြိမ် ပြောင်းလဲခဲ့သည်။ ၂၀၂၂ ခုနှစ်၏ အာဆီယံအလှည့်ကျဥက္ကဌနိုင်ငံဖြစ်သော ကမ္ဘောဒီးယားနိုင်ငံ ဝန်ကြီးချုပ်ဟွန်ဆန်က “အမေရိကန်က ကြေညာတဲ့ရက်စွဲ မပြောင်းလဲရင် အာဆီယံနိုင်ငံခေါင်းဆောင် ထက်ဝက်လောက် တက်ရောက်နိုင်မှာ မဟုတ်ဘူးဆိုတာ သေချာသလောက်နီးပါးရှိပါတယ်” ဟု ယခုရက်ပိုင်းတွင် ပြောကြားခဲ့သည်။ အာဆီယံနှင့် အမေရိကန် အရာရှိများ ညှိနှိုင်း၍ သင့်လျော်သည့် ထိပ်သီးအစည်းအဝေးအချိန်ကို ပြန်လည်သတ်မှတ်နိုင်ရန် ၎င်းက မျှော်လင့်သည်။ “တကယ်လို့ ထိပ်သီးအစည်းအဝေးရက်စွဲကို သဘောတူညီမှုမရပါက ကျွန်တော်က အစည်းအဝေးကို ရွှေ့ဆိုင်းရန် တောင်းဆိုမည်” ဟု ၎င်းက ပြောကြားသည်။

ယခုအကြိမ်ထိပ်သီးအစည်းအဝေးသည် ဘိုင်ဒန်အစိုးရ၏ အရှေ့တောင်အာရှနှင့် ထိတွေ့ဆက်ဆံမှုတွင် အရေးကြီးသော မှတ်တိုင်တစ်ခုဖြစ်ကြောင်း အမေရိကန် “The Diplomat” ဝက်ဘ်ဆိုဒ်က မကြာသေးမီက ဖော်ပြခဲ့သည်။ အရှေ့တောင်အာရှသည် အာရှတွင် တရုတ်နိုင်ငံ၏ တစ်နေ့တခြား ကြီးထွားလာသော သြဇာလွှမ်းမိုးမှုကို ရင်ဆိုင်ရန် အဓိကနယ်မြေဖြစ်သည်ဟု အမေရိကန်က ရှုမြင်သည်။ သို့သော် အဓိကအချက်မှာ အမေရိကန်သည် “အင်ဒို-ပစိဖိတ်မဟာဗျူဟာ” တွင် အရှေ့တောင်အာရှ၏ ဗဟိုအချက်အချာကျမှုကို အလေးပေးပြောကြားခဲ့သော်လည်း ၎င်း၏ လက်တွေ့လုပ်ဆောင်မှုများသည် ဤအချက်နှင့် မကြာခဏ ကွဲလွဲနေခြင်းပင် ဖြစ်သည်။ အထူးသဖြင့် အရှေ့တောင်အာရှတွင် ဝါရှင်တန်၏ တိကျပြတ်သားသော ကုန်သွယ်မှုနှင့် စီးပွားရေးအစီအစဉ်များ မရှိခြင်းသည် အမေရိကန်၏ မူဝါဒက အမေရိကန်နှင့် ပိုမိုနီးကပ်သောမိတ်ဖက်ဆက်ဆံရေး ထူထောင်ခြင်း၏ ကောင်းကျိုးများကို ပြသရမည့်အစား အဆိုပါနိုင်ငံများနှင့် တရုတ်နိုင်ငံအကြား ပိုမိုနီးကပ်သော မိတ်ဖက်ဆက်ဆံရေး ထူထောင်ခြင်း၏ ဆိုးကျိုးများကို တစ်ဖက်သတ် ထောက်ပြခြင်းအပေါ်တွင် ပိုမိုအာရုံစိုက်နေကြောင်း ထင်ရှားပါသည်။