တစ်ဖက်သတ်အရိပ်အယောင်များ လွှမ်းမိုးနေသော အမေရိကန်-အာဆီယံ အထူးထိပ်သီးအစည်းအဝေး
လက်ရှိ ဖိအားများသော မဟာဗျူဟာပတ်ဝန်းကျင်တွင် အမေရိကန်နှင့် အာဆီယံတို့သည် ဘုံရပ်တည်ချက်နှင့် ကြားနေရပ်တည်ချက်ကို ရှာဖွေရမည် ဖြစ်သည်။ ထိပ်သီးအစည်းအဝေးတွင် မြန်မာနိုင်ငံ၊ တောင်တရုတ်ပင်လယ်၊ ကိုရီးယားကျွန်းဆွယ် စသည့်ဒေသတွင်းအရေးကိစ္စများနှင့် ကပ်ရောဂါအလွန် စီးပွားရေးပြန်လည်ထူထောင်ရေး၊ နည်းပညာနှင့် တီထွင်ဆန်းသစ်မှု၊ ရာသီဥတုအကျပ်အတည်း စသည့် ကမ္ဘာလုံးဆိုင်ရာ ကိစ္စရပ်များကို ဆွေးနွေးမည်ဟု ခန့်မှန်းရသည်။ သို့သော် ယူကရိန်းအကျပ်အတည်း ဖြစ်ပွားမှုနှင့်အတူ အမေရိကန်သည် ရုရှားနှင့် ယူကရိန်းအရေး ဆွေးနွေးမှုကို ယခုအကြိမ်ထိပ်သီးအစည်းအဝေးသို့ ယူဆောင်လာမည်ကို အာဆီယံအချို့နိုင်ငံများက စိုးရိမ်ပူပန်နေကြသည်။
ယူကရိန်းပဋိပက္ခ ဖြစ်ပွားလာပြီးနောက် အမေရိကန်သည် ရုရှားကို အပြစ်တင်ရှုတ်ချရန် ကမ္ဘာ့နိုင်ငံအသီးသီးအား ဖိအားပေးလာပြီး အာဆီယံသည်လည်း ဖိအားပေးခံလာရသည်။ သို့သော် အာဆီယံက ထုတ်ပြန်သည့် ကြေညာချက်တွင် ဘက်အသီးသီးအား အပစ်အခတ်ရပ်စဲရန်သာ တိုက်တွန်းခဲ့ပြီး ရုရှားကို ရှုတ်ချခြင်း မပြုခဲ့ပေ။ ထိုင်း၊ ဖိလစ်ပိုင်၊ မလေးရှား စသည့်နိုင်ငံအများအပြားသည် ကြားနေမှုကို ဖော်ပြခဲ့ကြသည်။ အထူးသဖြင့် အရှေ့နှင့်အနောက်ဆက်ဆံရေး ကြီးမားသောဖိအားများနှင့် ရင်ဆိုင်နေရချိန်တွင် ယခုအကြိမ်ထိပ်သီးအစည်းအဝေးသည် ကမ္ဘာ့အရေးကိစ္စတွင် အမေရိကန်နှင့် အာဆီယံ၏ ရပ်တည်ချက်များကို ဖော်ပြမည့် ပွဲတစ်ခု ဖြစ်လာပါလိမ့်မည်။ အရေးအကြီးဆုံးမှာ ယင်းသည် လက်ရှိ နိုင်ငံတကာစည်းစံနစ်ကို အကျိုးသက်ရောက်မှုရှိစေမည်ဖြစ်ပြီး ကိုယ်ပိုင်ဖွဲ့စည်းမှုမူဘောင် ပိုင်ဆိုင်ထားသည့် ဒေသတွင်းအဖွဲ့အစည်းတစ်ခုအနေဖြင့် အာဆီယံသည် ယင်းစည်းစနစ်ကို အာရုံစိုက်သင့်ပါသည်။ သို့မဟုတ်ပါက ဤအဖွဲ့ဝင်ဆယ်နိုင်ငံသည် စူပါပါဝါနိုင်ငံ အားပြိုင်မှု၏ ကျားစေ့ ဖြစ်သွားနိုင်ပါသည်။