မြန်မာဘာသာ
You are here: Home > News > International > Article

ရှီကျင့်ဖိန်က ကင်ဂျုံအန်နှင့် တွေ့ဆုံ

2018-03-28 13:35:23

ရှီကျင့်ဖိန်က ကင်ဂျုံအန်နှင့် တွေ့ဆုံ

    တရုတ်ကွန်မြူနစ်ပါတီ ဗဟိုကော်မတီ အထွေထွေအတွင်းရေးမှူး၊ နိုင်ငံတော် ဥက္ကဋ္ဌ ရှီကျင့်ဖိန်၏ဖိတ်ကြားချက်အရ မြောက်ကိုးရီးယား လုပ်သားပါတီ ဥက္ကဋ္ဌ၊ နိုင်ငံတော်ရေးရာ ကော်မတီ ဥက္ကဋ္ဌ ကင်ဂျုံအန်သည် မတ်လ ၂၅ရက်နေ့မှ ၂၈ရက်နေ့ အထိ တရုတ်ပြည်တွင် အလွတ်သဘောခရီးလှည့်လည်ခဲ့ကြောင်း၊ ဆင်ဟွာသတင်းအရ သိရပါသည်။

    ၎င်း၏ခရီးစဉ်အတွင်း ရှီကျင့်ဖိန်သည် ပီကင်းမြို့ရှိ ပြည်သူ့ခန်းမဆောင်ကြီး၌ ကင်ဂျုံအန်နှင့် တွေ့ဆုံခဲ့ပါသည်။ အထွေထွေအတွင်းရေးမှူး ရှီကျင့်ဖိန်နှင့် ဇနီး ဖုန်လိယွမ် တို့သည် ကော်မတီဥက္ကဋ္ဌ ကင်ဂျုံအန်နှင့် ဇနီး ရီစိုဂျူ တို့အား ကြိုဆိုဧည့်ခံပွဲကျင်းပပြီး ပဒေသာကပွဲကို အတူကြည့်ရှုခဲ့ကြပါသည်။

    တရုတ်ကွန်မြူနစ်ပါတီ ဗဟိုကော်မတီ နိုင်ငံရေးဦးဆောင်အဖွဲ့ အမြဲတမ်းကော်မတီဝင်၊ နိုင်ငံတော်ကောင်စီ ဝန်ကြီးချုပ် လီခေ့ချန်၊ တရုတ်ကွန်မြူနစ်ပါတီ ဗဟိုကော်မတီ နိုင်ငံရေး ဦးဆောင်အဖွဲ့ အမြဲတမ်းကော်မတီဝင်၊ တရုတ်ကွန်မြူနစ်ပါတီ ဗဟိုကော်မတီ အတွင်းရေးမှူးရုံး အတွင်းရေးမှူး ဝမ်ဟုနင်၊ နိုင်ငံတော်ဒုဥက္ကဋ္ဌ ဝမ်ချီစန်းတို့သည် သက်ဆိုင်ရာလှုပ်ရှားမှုများသို့ အသီးသီး တက်ရောက်ခဲ့ကြပါသည်။

ရှီကျင့်ဖိန်က ကင်ဂျုံအန်နှင့် တွေ့ဆုံ

    ထိုသို့တွေ့ဆုံဆွေးနွေးရာ၌၊ ရှီကျင့်ဖိန်သည် တရုတ်ကွန်မြူနစ်ပါတီ ဗဟိုကော်မတီ ကိုယ်စား၊ ကင်ဂျုံအန်၏ ပထမဆုံးအကြိမ် တရုတ်ပြည်ခရီးစဉ်အပေါ် လှိုက်လှဲစွာ ကြိုဆိုကြောင်းဖော်ပြသည်။ ရှီကျင့်ဖိန်က ၁၉ကြိမ်မြောက် တရုတ်ကွန်မြူနစ်ပါတီ ပြည်လုံးဆိုင်ရာ ညီလာခံ ကျင်းပပြီးနောက် မိမိ တရုတ်ကွန်မြူနစ်ပါတီ ဗဟိုကော်မတီ အထွေထွေအတွင်းရေးမှူး၊ ပါတီ ဗဟိုစစ်ရေးကော်မရှင် ဥက္ကဋ္ဌအဖြစ် နောက်ထပ် အရွေးခံတာဝန်ထမ်းဆောင်ခြင်းအပေါ် အဆွေတော် ဝမ်းမြောက်ကြောင်း သဝဏ်လွှာ ပေးပို့ခဲ့ကြောင်း၊ မကြာမီကလည်း မိမိသည် နိုင်ငံတော် ဥက္ကဋ္ဌ၊ နိုင်ငံတော် ဗဟိုစစ်ရေးကော်မရှင် ဥက္ကဋ္ဌ အဖြစ် နောက်ထပ်တစ်ကြိမ် အရွေးခံတာဝန်ထမ်းဆောင်ခြင်းအပေါ် အဆွေတော် ချက်ချင်း ဝမ်းမြောက်ကြောင်းသဝဏ်လွှာပေးပို့ခဲ့ကြောင်း၊ ယင်းအပေါ် မိမိ ကျေးဇူးတင်ပါကြောင်း၊ ယခု အကြိမ် တရုတ်ပြည်သို့ ခရီးလှည့်လည်လာခြင်းသည် အချိန်အခါထူးခြားပြီး အရေးကြီး၍ ရဲဘော်ကော်မတီဥက္ကဋ္ဌ နှင့် မြောက်ကိုးရီးယား လုပ်သားပါတီ ဗဟိုကော်မတီတို့၏ တရုတ်နှင့်မြောက်ကုိုးရီးယား နှစ်ပါတီ နှင့် နှစ်နိုင်ငံ ဆက်ဆံရေးအပေါ် အလွန် အလေးထားသည်ကို ပြသပါကြောင်း၊ ယင်းအပေါ် မိမိတို့သည် တန်ဖိုးထားချီးကျူးပါကြောင်း ဖော်ပြခဲ့ပါသည်။

1234...>

သက်ဆိုင်ရာသတင်းများ

မိတ်ဆက်ဖြန့်ချိ

Follow us

ဝန်ဆောင်မှုသတင်းအချက်အလက်

သတင်း တရုတ်ရုပ်ရှင်နှင့်တီဗီဇာတ်လမ်းတွဲများ ယနေ့တရုတ်ပြည် တွေ့ဆုံမေးမြန်းခန်း ကျန်းမာရေးနှင့် အလှအပ ဓာတ်ပုံကမ္ဘာ